ഉയരക്കുറവാണ് സെര്‍ജിയോ റൊമീറോ എന്ന ആറടി മൂന്നര ഇഞ്ചുകാരനെ ഫുട്ബാള്‍ മൈതാനത്തെ ഗോള്‍വല കാവല്‍ക്കാരനാക്കിമാറ്റിയത്. ചേട്ടന്മാരെപ്പോലെ പൊക്കക്കാരനായെങ്കില്‍, ഏതെങ്കിലും ബാസ്കറ്റ്ബാള്‍ കോര്‍ട്ടിലെ താരമായേനെ. മൂന്നുപേരടങ്ങിയ കുടുംബത്തിലെ ‘കുള്ളനായ’ റൊമീറോയെ ഒഴിവാക്കി ചേട്ടന്മാര്‍ ബാസ്കറ്റ്ബാള്‍ കളിക്കാന്‍ പോയപ്പോള്‍ അവന്‍ ഫുട്ബാളിലേക്ക് തിരിഞ്ഞു. കുള്ളനെന്ന അര്‍ഥത്തില്‍ ‘ചിക്വിറ്റോ’ എന്നായിരുന്നു വീട്ടുകാര്‍ വിളിച്ചത്. പക്ഷേ, ബാസ്കറ്റ്ബാള്‍ കോര്‍ട്ടിലെ അയോഗ്യതക്ക് നന്ദിപറയുകയാണ് അര്‍ജന്‍റീനയിലെ ഫുട്ബാള്‍ ആരാധകര്‍. ലയണല്‍ മെസ്സിയും കാര്‍ലോസ് ടെവസുമൊന്നുമല്ല ഈ ഗോള്‍കീപ്പറാണ് ഇന്ന് അര്‍ജന്‍റീനയിലെ പുതുതലമുറ ഫുട്ബാള്‍ ആരാധകമനസ്സിലെ സൂപ്പര്‍താരം.
*** ***
ആരാധകരുടെ ഓര്‍മകളില്‍ മങ്ങാത്ത 2014 ലോകകപ്പ് സെമിഫൈനല്‍. ഗോള്‍രഹിതമായ നെതര്‍ലന്‍ഡ്സ്-അര്‍ജന്‍റീന മത്സരം വിധിനിര്‍ണയിക്കാന്‍ പെനാല്‍റ്റി ഷൂട്ടൗട്ടിലത്തെി നില്‍ക്കുന്നു. കിക്കെടുക്കാന്‍ ഡച്ച് താരം റോണ്‍ വ്ളാറത്തെിയപ്പോള്‍ ട്രൗസറിന്‍െറ പോക്കറ്റില്‍നിന്ന് ഒരു തുണ്ട് പേപ്പര്‍ തപ്പിയെടുത്ത് കണ്ണോടിച്ച് തിരികെ വെക്കാനുള്ള തിടുക്കത്തിലായിരുന്നു സെര്‍ജിയോ റൊമീറോ. വ്ളാറിന്‍െറയും മൂന്നാം കിക്കെടുത്ത സ്നൈഡറെയും തടഞ്ഞിട്ട് സെര്‍ജിയോ അര്‍ജന്‍റീനക്ക് ഫൈനല്‍ ടിക്കറ്റ് സമ്മാനിച്ചപ്പോള്‍ കളിയാരാധകര്‍ ഓര്‍ത്തത് 2006 ലോകകപ്പിലെ അര്‍ജന്‍റീന-ജര്‍മനി ക്വാര്‍ട്ടര്‍ ഫൈനലിലെ പെനാല്‍റ്റി ഷൂട്ടൗട്ട്. അന്ന് മെസ്സിയടക്കമുള്ള ഏഴ് അര്‍ജന്‍റീന താരങ്ങളുടെ പെനാല്‍റ്റി കിക്ക് ശീലങ്ങള്‍ ഗൃഹപാഠം ചെയ്ത ചെറു കുറിപ്പായിരുന്നു ജര്‍മന്‍ ഗോള്‍കീപ്പര്‍ യെന്‍സ് ലെഹ്മാന്‍ ഒപ്പംകരുതിയത്. പിന്നീട് ഈ കുറിപ്പ് 10 ലക്ഷം യൂറോക്ക് ലേലം പോയെന്നത് മറ്റൊരു കൗതുകം. എന്നാല്‍, റൊമീറോയുടെ പേപ്പറില്‍ എന്തായിരുന്നുവെന്ന് ഇന്നും അജ്ഞാതം.
ബ്രസീല്‍ ലോകകപ്പിലെ അര്‍ജന്‍റീന താരത്തിന്‍െറ പ്രകടനം ഒരുദിവസത്തെ അദ്ഭുതമെന്ന് പറഞ്ഞ് റൊമീറോയെ എഴുതിത്തള്ളിയവരുണ്ടായിരുന്നു. എന്നാല്‍, ശനിയാഴ്ച കോപ അമേരിക്കയില്‍ അര്‍ജന്‍റീനക്ക് സെമി ടിക്കറ്റും നല്‍കിക്കൊണ്ട് ദോഷൈകദൃക്കുകളുടെ മുഴുവന്‍ സംശയവും തിരുത്തിയെഴുതിയിരിക്കുകയാണ് ഫ്രഞ്ച് ക്ളബ് മൊണാകോയുടെ താരം. നിശ്ചിത സമയം കഴിഞ്ഞകളി പെനാല്‍റ്റി ഷൂട്ടൗട്ടിലേക്ക് നീങ്ങിയതോടെ കണ്ണുകളെല്ലാം റൊമീറോയിലായിരുന്നു.
ഷൂട്ടൗട്ടും ടൈ ആയതോടെ ഏതൊരുതാരവും പതറുന്ന സഡന്‍ഡത്തെ്. എന്നാല്‍, റൊമീറോ ശാന്തനായിരുന്നു. കൊളംബിയന്‍ താരം കാമിലോ സുനിഗയെടുത്ത ആദ്യ കിക്ക് തന്നെ തടുത്തിട്ടു. മത്സരത്തിലെ ഏക സേവും ഇതായിരുന്നു. ഷൂട്ടൗട്ടില്‍ ക്വഡ്രാഡോയുടെ കിക്ക് വലയിലേക്ക് പതിച്ചതും അര്‍ജന്‍റീന ഗോളിയുടെ കൈകളില്‍തട്ടി തലനാരിഴ വ്യത്യാസത്തില്‍.
ഗോള്‍ പോസ്റ്റിനു താഴെ നിലയുറപ്പിക്കുമ്പോള്‍ അസാധാരണ ഏകാഗ്രതയാണ് ഈ 28 കാരന്‍െറ വിജയരഹസ്യമെന്ന് എതിരാളികളും ശരിവെക്കുന്നു. കിക്കിനുമുന്നില്‍ പലപ്പോഴും പരാജയപ്പെടുന്നത് തലനാരിഴ വ്യത്യാസത്തില്‍.
2007ല്‍ അര്‍ജന്‍റീന അണ്ടര്‍ 20 ലോകചാമ്പ്യന്‍പട്ടമണിഞ്ഞപ്പോഴും 2008 ഒളിമ്പിക്സ് സ്വര്‍ണമണിഞ്ഞപ്പോഴും റൊമീറോ വലകാക്കാനുണ്ടായിരുന്നു. ഇറ്റാലിയന്‍ ക്ളബ് സാംദോറിയയുടെ താരം വായ്പയിലാണ് മൊണാകോയിലത്തെിയത്
*** ***
ആരാധകരുടെ ഓര്‍മകളില്‍ മങ്ങാത്ത 2014 ലോകകപ്പ് സെമിഫൈനല്‍. ഗോള്‍രഹിതമായ നെതര്‍ലന്‍ഡ്സ്-അര്‍ജന്‍റീന മത്സരം വിധിനിര്‍ണയിക്കാന്‍ പെനാല്‍റ്റി ഷൂട്ടൗട്ടിലത്തെി നില്‍ക്കുന്നു. കിക്കെടുക്കാന്‍ ഡച്ച് താരം റോണ്‍ വ്ളാറത്തെിയപ്പോള്‍ ട്രൗസറിന്‍െറ പോക്കറ്റില്‍നിന്ന് ഒരു തുണ്ട് പേപ്പര്‍ തപ്പിയെടുത്ത് കണ്ണോടിച്ച് തിരികെ വെക്കാനുള്ള തിടുക്കത്തിലായിരുന്നു സെര്‍ജിയോ റൊമീറോ. വ്ളാറിന്‍െറയും മൂന്നാം കിക്കെടുത്ത സ്നൈഡറെയും തടഞ്ഞിട്ട് സെര്‍ജിയോ അര്‍ജന്‍റീനക്ക് ഫൈനല്‍ ടിക്കറ്റ് സമ്മാനിച്ചപ്പോള്‍ കളിയാരാധകര്‍ ഓര്‍ത്തത് 2006 ലോകകപ്പിലെ അര്‍ജന്‍റീന-ജര്‍മനി ക്വാര്‍ട്ടര്‍ ഫൈനലിലെ പെനാല്‍റ്റി ഷൂട്ടൗട്ട്. അന്ന് മെസ്സിയടക്കമുള്ള ഏഴ് അര്‍ജന്‍റീന താരങ്ങളുടെ പെനാല്‍റ്റി കിക്ക് ശീലങ്ങള്‍ ഗൃഹപാഠം ചെയ്ത ചെറു കുറിപ്പായിരുന്നു ജര്‍മന്‍ ഗോള്‍കീപ്പര്‍ യെന്‍സ് ലെഹ്മാന്‍ ഒപ്പംകരുതിയത്. പിന്നീട് ഈ കുറിപ്പ് 10 ലക്ഷം യൂറോക്ക് ലേലം പോയെന്നത് മറ്റൊരു കൗതുകം. എന്നാല്‍, റൊമീറോയുടെ പേപ്പറില്‍ എന്തായിരുന്നുവെന്ന് ഇന്നും അജ്ഞാതം.
ബ്രസീല്‍ ലോകകപ്പിലെ അര്‍ജന്‍റീന താരത്തിന്‍െറ പ്രകടനം ഒരുദിവസത്തെ അദ്ഭുതമെന്ന് പറഞ്ഞ് റൊമീറോയെ എഴുതിത്തള്ളിയവരുണ്ടായിരുന്നു. എന്നാല്‍, ശനിയാഴ്ച കോപ അമേരിക്കയില്‍ അര്‍ജന്‍റീനക്ക് സെമി ടിക്കറ്റും നല്‍കിക്കൊണ്ട് ദോഷൈകദൃക്കുകളുടെ മുഴുവന്‍ സംശയവും തിരുത്തിയെഴുതിയിരിക്കുകയാണ് ഫ്രഞ്ച് ക്ളബ് മൊണാകോയുടെ താരം. നിശ്ചിത സമയം കഴിഞ്ഞകളി പെനാല്‍റ്റി ഷൂട്ടൗട്ടിലേക്ക് നീങ്ങിയതോടെ കണ്ണുകളെല്ലാം റൊമീറോയിലായിരുന്നു.
ഷൂട്ടൗട്ടും ടൈ ആയതോടെ ഏതൊരുതാരവും പതറുന്ന സഡന്‍ഡത്തെ്. എന്നാല്‍, റൊമീറോ ശാന്തനായിരുന്നു. കൊളംബിയന്‍ താരം കാമിലോ സുനിഗയെടുത്ത ആദ്യ കിക്ക് തന്നെ തടുത്തിട്ടു. മത്സരത്തിലെ ഏക സേവും ഇതായിരുന്നു. ഷൂട്ടൗട്ടില്‍ ക്വഡ്രാഡോയുടെ കിക്ക് വലയിലേക്ക് പതിച്ചതും അര്‍ജന്‍റീന ഗോളിയുടെ കൈകളില്‍തട്ടി തലനാരിഴ വ്യത്യാസത്തില്‍.
ഗോള്‍ പോസ്റ്റിനു താഴെ നിലയുറപ്പിക്കുമ്പോള്‍ അസാധാരണ ഏകാഗ്രതയാണ് ഈ 28 കാരന്‍െറ വിജയരഹസ്യമെന്ന് എതിരാളികളും ശരിവെക്കുന്നു. കിക്കിനുമുന്നില്‍ പലപ്പോഴും പരാജയപ്പെടുന്നത് തലനാരിഴ വ്യത്യാസത്തില്‍.
2007ല്‍ അര്‍ജന്‍റീന അണ്ടര്‍ 20 ലോകചാമ്പ്യന്‍പട്ടമണിഞ്ഞപ്പോഴും 2008 ഒളിമ്പിക്സ് സ്വര്‍ണമണിഞ്ഞപ്പോഴും റൊമീറോ വലകാക്കാനുണ്ടായിരുന്നു. ഇറ്റാലിയന്‍ ക്ളബ് സാംദോറിയയുടെ താരം വായ്പയിലാണ് മൊണാകോയിലത്തെിയത്
0 comments:
Post a Comment