പന്തിനൊപ്പം ഗോള്‍കീപ്പര്‍ വല തുളച്ച് പുറത്തേക്ക്
അത്ഭുതങ്ങളുടേതാണ് കാല്‍പ്പന്തിന്റെ ലോകം. പന്തു പിടിക്കാന്‍ ശ്രമിച്ച ഗോള്‍ കീപ്പര്‍ വലതുളച്ച് പന്തിനോടൊപ്പം പുറത്തേക്കു വീഴുക എന്നത് കാല്‍പ്പന്തിന്റെ ചരിത്രത്തില്‍ കേട്ടു കേഴ് വിയില്ലാത്ത സംഭവമാണ്. എന്നാല്‍ അങ്ങനെയൊന്ന് കഴിഞ്ഞ ദിവസം പാരീസില്‍ അരങ്ങേറി. ബ്രസീലിന്റെ ലോകകപ്പു താരമായ ഹള്‍ക്കിന്റെ അടി തടുക്കാന്‍ ശ്രമിക്കുമ്പോഴാണ് ആരാധകരെയാകെ ഞെട്ടിച്ച സംഭവം അരങ്ങേറിയത്
സെനിത് സെന്റ് പീറ്റേഴ്‌സിന്റെ കളിക്കാരനാണിപ്പോള്‍ 28കാരനായ ഹള്‍ക്ക്. അവരുടെ പരിശീനനക്കളരിയായിരുന്നു അരങ്ങ്. ഏതാനും പ്രതിരോധക്കാരെ ഡ്രിബിള്‍ ചെയ്തു മുന്നേറിയ ഹള്‍ക്ക് ഇടങ്കാല്‍ കൊണ്ടാണ് പോസ്റ്റിലേക്ക് ഷോട്ടെടുത്തത്. പക്ഷെ ഹള്‍ക്കിന്റെ കനത്ത ഷോട്ട് കയ്യിലൊതുക്കാന്‍ ശ്രമിച്ച ഗോള്‍കീപ്പര്‍ പന്തിനൊപ്പം വലതുളച്ച് പുറത്തേക്കു വീഴുകയാണുണ്ടായത്. ഹള്‍ക്കെടുത്ത റോക്കറ്റ് ഷോട്ടിന്റെ കരുത്തായിരുന്നു അതിനു കാരണം. ലോകഫുട്‌ബോളില്‍ പന്തുതട്ടുന്നവരില്‍ ഹള്‍ക്കിനോളം കരുത്തുള്ളവര്‍ ഇപ്പോഴില്ല. അമേരിക്കന്‍ കോമിക്ക് പരമ്പരയിലെ നായക കഥാപാത്രത്തെ അവതരിപ്പിച്ച ലോഫെറികനോയുമായുള്ള സാദൃശ്യമാണ് താരത്തിനു ഹള്‍ക്കെന്ന പേരു ലഭിക്കാന്‍ കാരണം. സഹകളിക്കാര്‍ രംഗം കണ്ട് അത്ഭുതപ്പെട്ടു. ഹള്‍ക്കാകട്ടെ ഗോള്‍കീപ്പറോട് കളിക്കു ശേഷം ക്ഷമാപണം നടത്തുകയും ചെയ്തു. കഴിഞ്ഞ ലോകകപ്പില്‍ നിറം മങ്ങിപ്പോയ ഹള്‍ക്കിനെ കോപ്പാ അമേരിക്കയില്‍ കളിക്കുന്ന ടീമില്‍ ദുംഗ ഉള്‍പ്പെടുത്തിയിരുന്നില്ല. വരും സീസണില്‍ എതിര്‍ ടീം ഗോള്‍ കീപ്പര്‍മാര്‍ കരുതിയിരിക്കണമെന്നൊരു സന്ദേശം കൂടി ഹള്‍ക്കിന്റെ ഈ അസാധാരണ ഗോള്‍ നല്‍കുന്നു
0 comments:
Post a Comment