1ഗോളി- ക്ലോഡിയോ ബ്രാവോ (ചിലി) ഗോള്‍ കീപ്പിങ്ങില്‍ മികച്ച പ്രകടനം കണ്ട ടൂര്‍ണമെന്റില്‍ മുന്നില്‍നില്‍ക്കുന്നത് ചിലിയുടെ ക്ലോഡിയോ ബ്രാവോ. മെക്സിക്കോയ്ക്കെതിരെയുള്ള മത്സരത്തില്‍ (3-3) രണ്ടാം ഗോള്‍ വഴങ്ങിയതില്‍ ബ്രാവോയ്ക്ക് നിരാശയുണ്ടാവാം. അത് മാറ്റിനിര്‍ത്തിയാല്‍ കുറ്റമറ്റ പ്രകടനമായിരുന്നു. ചിലിക്ക് ധൈര്യംപകര്‍ന്ന നേതൃത്വം മാത്രമായിരുന്നില്ല ബ്രാവോവിന്റേത്. നിര്‍ണായക നിമിഷത്തില്‍ രക്ഷകനാവുകയും ചെയ്തു. ഫൈനലില്‍ സെര്‍ജിയോ അഗ്വേറോയുടെ ഹെഡര്‍ തട്ടിയകറ്റിയത് വഴിത്തിരിവായി
2റൈറ്റ് ബാക്ക്- ലൂയിസ് അഡ്വിന്‍കുല (പെറു)
ശരിക്കും അറ്റാക്കിങ് മിഡ്ഫീല്‍ഡറാണെങ്കിലും പ്രതിരോധത്തിലായിരുന്നു ശ്രദ്ധ. നല്ല കായികക്ഷമത ഉള്ളതിനാല്‍ ടച്ച്ലൈന്‍മുതല്‍ മധ്യനിരവരെ കയറിയിറങ്ങി കളിക്കാനായി. അഡ്വിന്‍കുലയുടെ ആക്രമണോത്സുകത പലപ്പോഴും പ്രകടമായി. പ്രത്യേകിച്ച് ചിലിക്കെതിരെ നടന്ന സെമിയില്‍. ചിലിക്ക് ദാനഗോള്‍ വഴങ്ങേണ്ടിവന്ന ക്രോസ് അഡ്വിന്‍കുലയുടേതായിരുന്നു. മത്സരത്തിനുശേഷം ചിലിയുടെ കോച്ച് സാമ്പവോളി അഡ്വിന്‍കുലയെ പ്രത്യേകം പ്രശംസിച്ചു. അലെക്സിസ് സാഞ്ചസിനെ പ്രതിരോധിച്ചതിനായിരുന്നു ഇത്
സെന്റര്‍ ബാക്ക്- ജീയ്സണ്‍ മൂറില്ലോ (കൊളംബിയ)കോപ അമേരിക്കയില്‍ കൊളംബിയ പരാജയമായിരുന്നെങ്കിലും അവര്‍ ഒരു മിടുക്കന്‍ പ്രതിരോധക്കാരനെ പുറത്തെടുത്തു. കൊളംബിയയുടെ മുന്നേറ്റം തീര്‍ത്തും നിരാശപ്പെടുത്തിയപ്പോഴാണ് ഈ ചെറുപ്പക്കാരന്റെ രംഗപ്രവേശം. കുറ്റമറ്റ പ്രകടനമായിരുന്നില്ല മൂറില്ലോയുടേത്. പക്ഷെ, പ്രതിഭയുടെ സ്പര്‍ശമുണ്ട് ആ പ്രകടനത്തിന്. വേഗമേറിയ നീക്കങ്ങളായിരുന്നു മൂറില്ലോയുടെത്. മാത്രമല്ല, കൃത്യസമയത്താണ് ടാക്ലിങ്. കരുത്തനുമാണ്. കൊളംബിയ ഈ ടൂര്‍ണമെന്റില്‍ നേടിയ ഏകഗോളും മൂറില്ലോയുടേതായിരുന്നു. ഇന്റര്‍ മിലാന്‍ മൂറില്ലോയെ റാഞ്ചിസെന്റര്‍ ബാക്ക്- കാര്‍ലോസ് അസ്ക്യൂസ് (പെറു)
വെനസ്വേലയില്‍ ജനിച്ച ഈ ഇരുപത്തിമൂന്നുകാരന്‍ പോര്‍ച്ചുഗല്‍, ഗ്രീസ് ക്ലബ്ബുകളില്‍ കളിച്ചശേഷമാണ് പെറുവിലെത്തിയത്. പോര്‍ച്ചുഗലില്‍ ബെന്‍ഫിക്കയുടെ ബി ടീമിലായിരുന്നു. അധികം വൈകായെ യൂറോപ്പിലെ പ്രമുഖ ക്ലബ്ബുകളില്‍ അസ്ക്യൂസ് എത്തും. കരുത്തനായ പ്രതിരോധക്കാരനാണ്, ശാന്തനും. ഒരുഘട്ടത്തിലും നിയന്ത്രണംവിടുന്നില്ല. കയറിക്കളിക്കാനും അസ്ക്യൂസിനറിയാം. മധ്യനിരയില്‍നിന്ന് നല്ല നീക്കങ്ങള്‍ നടത്തിയിരുന്നു.
ലെഫ്റ്റ് ബാക്ക്- കെമാര്‍ ലോറന്‍സ് (ജമൈക്ക)ഒരു വിങ്ബാക്കിന്റെ എല്ലാ ഗുണങ്ങളും ഈ ഇരുപത്തിമൂന്നുകാരന്‍ കാണിച്ചു. ജമൈക്കയുടെ മൂന്നു കളിയിലും ഏറ്റവുമധികം തിളങ്ങിയതും ലോറന്‍സാണ്. പ്രതിരോധത്തില്‍ ലോറന്‍സിനെ മറികടക്കുന്നത് എളുപ്പമല്ല. പ്രത്യാക്രമണം നയിക്കാനുള്ള നല്ല വേഗവും ലോറന്‍സിനുണ്ട്. ഇടങ്കാലില്‍നിന്നാണ് ശക്തമായ ഷോട്ടുകള്‍. സെറ്റ് പീസുകള്‍ക്കും വൈദഗ്ധ്യം കാണിച്ചു. ഇപ്പോള്‍ ന്യൂയോര്‍ക്ക് റെഡ് ബുള്‍സിലാണ്മധ്യനിര- ഹാവിയര്‍ മഷെരാനോ (അര്‍ജന്റീന)
തോല്‍ക്കാനാണ് എപ്പോഴും ഈ പ്രതിഭാശാലിയുടെ വിധി. ലോകകപ്പ് ഫൈനലിലെ വിധി ഇപ്പോള്‍ കോപയിലും വര്‍ത്തിച്ചു. കഴിഞ്ഞ രണ്ട് കോപ ഫൈനലിലും മഷെരാനോ തോല്‍വി ഏറ്റുവാങ്ങി. അര്‍ജന്റീനയുടെ മധ്യനിരയിലെ ഊര്‍ജമാണ് മഷെരാനോ. മധ്യനിരയില്‍നിന്ന് മഷെരാനോ കൊടുത്ത ഡയഗണല്‍ പാസുകള്‍ ഈ ടൂര്‍ണമെന്റിന്റെ ചന്തമായിരുന്നു. ഫൈനലില്‍ ഒറ്റയ്ക്കു കുതിച്ച് സാഞ്ചെസ് ഷോട്ട് ഉതിര്‍ക്കാന്‍ മുതിര്‍ന്നപ്പോള്‍ ഒരു കാല് നീട്ടി ഡൈവ്ചെയ്തുവന്നത് മഷെരാനോയാണ്
മധ്യനിര- ചാള്‍സ് അരന്‍ഗ്വിസ് (ചിലി)പുകഴ്ത്തലുകള്‍ കിട്ടാതെപോയ, ചിലിയുടെ പോരാളി. കളി പുരോഗമിക്കുന്തോറും അരന്‍ഗ്വിസിന്റെയും രൂപം മാറുകയായിരുന്നു. കളിയില്‍ വൈവിധ്യം, ഓള്‍റൗണ്ട് പ്രകടനം, നിറയുകയായിരുന്നു അരന്‍ഗ്വിസ്. മധ്യനിരയില്‍ നിരന്തരം പ്രവര്‍ത്തിച്ച മോട്ടോര്‍. എതിര്‍ ഗോള്‍മുഖത്തേക്ക് മടികൂടാതെ ഓടിക്കയറി. എതിര്‍മുന്നേറ്റക്കാരന് ഇത്തിരിപോലും ഇടംകൊടുക്കാത്ത മാര്‍ക്കിങ്.ഫൈനലില്‍ ശരിക്കുംതിളങ്ങി.മധ്യനിരജോര്‍ജി വാല്‍ഡിവിയ (ചിലി)
ഇങ്ങനെ ഒരു കളിക്കാരനുണ്ടെന്ന് വാല്‍ഡിവിയ കാണിച്ചുകൊടുത്തു. പരമ്പരാഗത രീതികള്‍ക്കൊന്നും വാല്‍ഡിവിയ വഴങ്ങിയില്ല. പ്രതിഭ പ്രകടിപ്പിക്കാനുള്ള അവസരമാണെന്നു മനസ്സിലാക്കിത്തന്നെയാണ് വാല്‍ഡിവിയ പന്ത് തട്ടിയത്. ജ്വലിക്കുകയായിരുന്നു ഈ മധ്യനിരക്കാരന്‍. മികച്ച കായികക്ഷമതയും കൈവരിച്ചതോടെ പ്രതീക്ഷിച്ചതിനപ്പുറത്തേക്കുയര്‍ന്നു വാല്‍ഡിവിയ. വാല്‍ഡിവിയ ചിലിയുടെ പ്രശ്നപരിഹാരം കൂടിയായിരുന്നു. എതിര്‍ പ്രതിരോധക്കാര്‍ കോട്ടകെട്ടിയാല്‍ അത് പൊളിക്കുന്നത് വാല്‍ഡിവിയയാണ്. ഭാവന, സാങ്കേതികത്തികവുള്ള പാസ്, നിറഞ്ഞുനിന്നു വാല്‍ഡിവിയ
മധ്യനിര-ലയണല്‍ മെസി (അര്‍ജന്റീന)കടുത്ത വിമര്‍ശം നേരിടുകയാണ് മെസി. ഫൈനലില്‍ ശോഭിക്കാനായില്ല എന്നതാണ് പ്രധാന ആക്ഷേപം. ബാഴ്സലോണയിലെ നിലവാരത്തിലേക്കുയര്‍ന്നില്ല എന്നും പരാതിയുണ്ട്. പക്ഷെ, മെസി മെസിതന്നെയായിരുന്നു. ഓര്‍ക്കാന്‍ ഒരുപിടി നിമിഷങ്ങള്‍ സമ്മാനിച്ചാണ് മെസി മടങ്ങുന്നത്. ജാവിയര്‍ പസ്റ്റോറെയുമായി ചേര്‍ന്ന് നല്ല നീക്കങ്ങള്‍ നടത്തി. പിന്നിലേക്കിറങ്ങി പ്രതിരോധക്കാരെ തന്നിലേക്കാകര്‍ഷിച്ച് സ്ട്രൈക്കര്‍മാര്‍ക്ക് അവസരം ഉണ്ടാക്കുകയായിരുന്നു മെസി. ഈ ടൂര്‍ണമെന്റിലെ പ്രത്യേകതയും അതായിരുന്നു.സ്ട്രൈക്കര്‍- പാവ്ലോ ഗുറേറൊ (പെറു)
കഴിഞ്ഞ കോപയിലെ ടോപ് സ്കോററായിരുന്നു. ഇത്തവണ ടോപ് സ്കോറര്‍ പദവി പങ്കിട്ടു. പെറുവിന്റെ കുന്തമുനയായിരുന്നു. ചൂടുപിടിക്കാന്‍ ഇത്തിരി സമയമെടുക്കുമെന്നു മാത്രം. കഴിഞ്ഞ മൂന്നു കളികളില്‍ കൃത്യമായ ഷോട്ടുകളാണ് ഗുറേറൊ പായിച്ചത്. പന്തില്‍ അസാമാന്യ നിയന്ത്രണം. വായുവില്‍ നല്ല വേഗം. എന്നു മാത്രമല്ല, മധ്യനിരയുമായി നന്നായി ഇണങ്ങുകയും ചെയ്തു. അര്‍ജന്റീനയുടെ മുന്നേറ്റനിരയെ തടയാനുള്ള അതേ ശ്രമംതന്നെ വേണ്ടിവന്നു ചിലിക്ക് ഗുറേ
സ്ട്രൈക്കര്‍- സെര്‍ജിയോ അഗ്വേറോ (അര്‍ജന്റീന)അപകടകാരിയായ സ്ട്രൈക്കര്‍. ഈ ടൂര്‍ണമെന്റില്‍ നേടിയ മൂന്നു ഗോളും മനോഹരമായിരുന്നു. ആക്രമണനീക്കങ്ങള ഫലപ്രാപ്തിയിലെത്തിക്കുന്ന കൃത്യത. പ്രതിരോധക്കാര്‍ പ്രതീക്ഷിക്കാത്ത ഇടങ്ങളിലേക്ക് കയറിനില്‍ക്കും. ഫൈനലില്‍ ഒറ്റപ്പെട്ടുപോയി. പക്ഷെ, ആ ഹെഡര്‍ ചിലിയുടെ ഗോളി മികവാര്‍ന്ന പ്രകടനത്തോടെ തടഞ്ഞില്ലായിരുന്നെങ്കില്‍ ഫൈനലിലെ ഹീറോ ആയി മാറുമായിരുന്നു.
0 comments:
Post a Comment